Worum man sich Sorgen machen sollte
Sermon • Submitted • Presented
0 ratings
· 1 viewNotes
Transcript
Trachte nach dem Reich
Trachte nach dem Reich
Isch dier schomal ufgfalle wie entspannt das Jesus dur sis läbe lauft? Klar mier kennend die stelene wo Jesus betrüebt isch. Mier wüssend das sich d Dunkelheit und Trurigkeit vor ganze Wält uf ihn leit woner de Wäg as Krüz gaht. Mer kennend die Szene usem Garte gezemane woner verzwiflet drum ring zum usezfinde ober ufem richtige Wäg isch… ober i dämm lauft wo de Vater für ihn vorgseh hed! Mier läsend wie das Jesus am Grab vom Lazarus brüelt und wie trurig daser isch will sich Mensche weigeren Gott z vertraue und das wunderbahre z gseh wo Gott tuet. Aber das sind die wenige Usnahme imene Sorglose Vertrauensvolle läbe wo Jesus füert. Womer im Strum kan schlafe, woner de Jünger chan ufem Wasser nahcho, wo 5000 Mensche sötten gsättiget wärde oder wo Panik usbricht will zwenig Wii dah isch… Jesus bliebt entspannt! Jesus läbt, so schients z mindest, es sehr unbeschwärts läbe und i lguabe das die Folgende Wort vo Jesus i sindere Bergpredigt die Sehnsucht in sich trägend die Sorglosigkeit mit sine Mitmensche z teile und das ine und dier z ermögliche…
Darum sage ich euch: Sorgt euch nicht um euer tägliches Leben – darum, ob ihr genug zu essen, zu trinken und anzuziehen habt. Besteht das Leben nicht aus mehr als nur aus Essen und Kleidung? Schaut die Vögel an. Sie müssen weder säen noch ernten noch Vorräte ansammeln, denn euer himmlischer Vater sorgt für sie. Und ihr seid ihm doch viel wichtiger als sie. Können all eure Sorgen euer Leben auch nur um einen einzigen Augenblick verlängern? Nein.
Und warum sorgt ihr euch um eure Kleider? Schaut die Lilien an und wie sie wachsen. Sie arbeiten nicht und nähen sich keine Kleider. Trotzdem war selbst König Salomo in seiner ganzen Pracht nicht so herrlich gekleidet wie sie. Wenn sich Gott so wunderbar um die Blumen kümmert, die heute aufblühen und schon morgen wieder verwelkt sind, wie viel mehr kümmert er sich dann um euch? Euer Glaube ist so klein!
Hört auf, euch Sorgen zu machen um euer Essen und Trinken oder um eure Kleidung. Warum wollt ihr leben wie die Menschen, die Gott nicht kennen und diese Dinge so wichtig nehmen? Euer himmlischer Vater kennt eure Bedürfnisse. Macht das Reich Gottes zu eurem wichtigsten Anliegen, lebt in Gottes Gerechtigkeit, und er wird euch all das geben, was ihr braucht.
Deshalb sorgt euch nicht um morgen, denn jeder Tag bringt seine eigenen Belastungen. Die Sorgen von heute sind für heute genug.
Mer kennend die Bedürfnispyramide vom Maslow… i ha es Bild mitbracht…
Jesus gad i däm Kapitel 6 eigetli die ganzi Bedürfnispyramide dure…
Sälbstverwürklichung, Anerkennig, Gältig das sind Sache wos üs nid drumm söll gah. Fürd üsi Soziale verhältnis kreigemer im Kapitel 5 komplett neui Massstäb ufzeigt wo so fest in sich trägend lueg nid eifach uf das was du bruchsch sodern uf das was sich Gott wünscht… und schlüsslich chömemer über d Finanze vom letstemal wo sicherheit gäbend hie zu de Grundbedürfnis wie Ässe Trinke und Kleidig. Und es isch ein Rote Fade wo sich dur alles Ziet wo Jesus seit legg das Gott hie Sorg di nid drumm i wett dine Versorger sie… I wet di rich belohne wenn du dini sälbstsucht ableisch und i wet dier beweise dasi dini Bedürfnis ken indämm i si für die Stille däf! Leg mier dis ganze Spektrum an dämm wo du nötig hesch hie sorg di nid mal um z klinste!
Lueg Gott hed die mid all dine Bedürfnis gschaffe und das isch au nüt schlächts… es isch guet für üs die Tägliche bedürfnis z ha will sie üs zu üsem Himmlische Vater und sinere Versorgig füerend… Lueg Jesus sälber lauft au nid demonstrativ i de grösste Lumpe ume… nai sin Talar isch so schön das d Römer um ne würflend anstadt das ne eifach wägwerfend… Wenn üsi Bedürfnis aber Angst und Sorge in üs uslösend denn verfählens total ire zwäck und dienen eher als Schranke wo üs trennend vo Gott…
I han die wuche kei Ziet gfunde zum Bible läse, hüt hani sonen stress kah mit usem Hus dasi bir znünipause gmerkt han dasi Gott no gar nid guete Morge gseit han… Die Wuche isch so astrengend gsie jetz gönni mier de Sunntig so richtig mal chönne uszschlafe und gang nid i Gottesdienst… so oder ähnlich tönts denn wemer üsi Bedürfnis zu Sorge wärde lönd! Wemer üsi eigni Energie defür ufwenden zum de Frag nazspringe wiemer üsi Bedürfnis stille chönd! So tönts wemer üs gfange sind i dere Abwärtsspirale vo immer meh wele ha aber nümme meh chöne gäh…
Jesus nimmt üs da mit in sini Beobachtige woner tätigt… är hed d Vögel beobachtet wie das sie umendandflügend und ihm isch ufgfalle das sie sich nid drumm kümmerend ds Sähe sondern sie sich eifach dra erfreuend am läbe z sie… und im sind d Blueme in irer vielfalt und Pracht ufgfalle… Das Wort wo är da Brucht wo im Dütsch eals Lilie übersetzt wird isch eigetli für en villzahl an Blueme brucht worde… und Jesus nimmt sini zuehörer da in sini Beobachtige mit ine… Atemberaubendi schönheit isch dött z entdecke in öppisem wo so vergänglich und zerbrächlich isch… en starke windstoss, en verbiezielaufends Tier en Senseschnitt und scho isches verbie… und gliechzietig so faszinierend dases en Platz i jedere Kunsgallerie verdient hätti! Wohär chunnt die schönheit? Wohär die Versorgig? Jesus teilt sini festi Überzügig womer i sinem sorglose Läbe wiederspieglet gsehnd. De Vater im Himmel isch en guete Versorger und wener sich für das vergängliche unwichtige so fest is züg leit wie vill meh kann sini Versorgig üs de Rugge frei halte üs ufds wesentliche z konsentriere? Und was das wesentliche isch üs Jesus da gad au… Setzend eu für Gottes Riech und sini Herrlichkeit ih!
Jetz seisch vilicht ja guet Andy aber wie machi denn das wie setzi mi für Gottes Rich ih wenn und wie isch denn überhaupt Gottes Riech? I chan di beruhige du bisch nid di ersti Person wo die Frag stellt
Einige Pharisäer fragten Jesus, wann das Reich Gottes komme. Er antwortete: „Das Reich Gottes kommt nicht so, dass man es an äußeren Zeichen erkennen kann. Man wird auch nicht sagen können: ‚Seht, hier ist es!‘ oder: ‚Seht einmal, dort!‘ Nein, das Reich Gottes ist schon jetzt mitten unter euch.“
D Jude zu Ziete Jesu händ fest demit grächnet das z Reich vo Gott mit em Messias abreicht… iri Vorstellig isch gsie das Jesus sie wird usere Politische Herrschaft vo de Römer befreie und ine Unabhängigkeit wird bringe… hüt hämmer villicht eher z gfühl z Riech Gottes chunnt denn mal im Himmel… Aber Jesus wiederspricht da beidne Theorie… s isch öppis wo jetz scho da isch öppis wo wenns nid an üsserliche zeiche erkennbahr und örtlich nid zueordenbahr isch innerlich afangt… rich Gottes isch dött wo gott regiert… z problem isch das mier oft sälber regiere wend das mier sälber Gott sie wend… z problem isch nur das mier en unglaublich schlächti Gottesimitation sind! Aber zum das chönne z erkläre mueni schnell kli ushole… D Versprächig vo Satan and Eva isch wenn ier vo dere Frucht ässend und wener denn d erkenntnis vo guet und bös erlangend denn wärdender sie wie Gott… und scho fürd Eva isch das so en verlokende Gedanke… mid dämm das de Mensch sälber wett wie Gott sie entscheidet sie sich gäged ds riech vo Gott... Gott isch nümm da wo seit wies lauft sondern de Mensch übernimmt sälber d kontrolle beiflusst vom Satan… De Mensch entscheidet sich de Versorgig vo Gott nümm länger z vertraue, meh z welle und sälber z stürad id Hand z neh… z problem isch das mier mänsche würkli en unglaublisch schlächti Gottesimmitation sind...
Lönd mi das anhand vonere Beobachtig verzelle woni vor zwei wuche bim Wucheikauf gmacht han… I bin im Migros z Konolfinge unterwägs mine ikaufszettel am sortiere da chunnt en Frau mit i nime ah irem Sohn is Migros… s fallt uf will de Bueb sitzt somene elektrische rollstuel woner unglaublich guet im griff hed und durd gmüesabteilig flitzt… und wär sich im Migro z Konolfinge uskennt weiss es gid en direcktverbindig vom Gmües am Igang zu de Süessigkeite und Spilsache bi de Kasse… de Bueb fätzt also vollgas richtig dere Abkürzig bevor er sich nomal umdräht und erwartigsvoll d Mama aluegt wo de Blick genau kennt… D Mama luegt ihn ah und seit i han dier gseit i kume hüt nid mit zu de Spilsache i muen anderi sache Ikaufe… I han innerlich gschmunzlet gstundet über de Buben und über sini Mama han mine ikauf denn aber wieter vortgsetzt… wies aber so isch wenn zwei lüt öppe gliechzietig mim Wucheikauf afangend denn lauft me oft zimmli paralell durd Regal und befindet sich immer mal wieder im glieche Ladesabschnitt… de Bueb isch mid sinem Rollstuel umenandgflitzt hie und här mid einem elan und vorallem immer mid gwaltigem Zug richtig Spieliabteilig… immer mal weider ischer für en kurze moment richtig Kasse also Süessigkeite und Spieli vreschwunde biser denn weider zrugg koh isch wärend sini Mama ire Ikauf vortgsetzt hed… I bin denn kli schneller gsie als sie und drumm weisi nid obs de Abstecher am schluss id Spieliabteilig no geh hed oder ob di erste wort hüt chumi nid ind Spieliabteilig gwunne hend… aber i han ir vorbereitig uf hüt müesse an die Situation denke und s isch mer no igfahre… wie oft bini mit Gott genau so unterwägs… i ha gseit i chume mit und han sini bedingige scho kennt aber bi de erste glägeheit woni gfunde han bini weider dene sache hinenahgsecklet wo i als wichtig und als richtig empfunde han… und ja mängisch hed mi Gott gfühlt gnau gliech liebevoll aglueget und gseit i ha der gseit das isch nid mine plan für de moment… erkennsch di sälber nid au mängisch i dämm bueb wieder… i weis ganz gnau wasi wet und mine fokus isch voll uf dämm und es ziet mi immer weider dött hie… z problem isch nur gnau so wie de Bueb zwar hed chönne sich glustig mache mid all die Sache azluege und wie gross vilicht sine Wunsch gwachse isch ds eine oder ds andere vo dene Spilsache z ha… Sini Kaufkraft isch nid vorhande gsie… er isch abhängig gsie das sini bedürfnis vo sinere Mama gstillt wärdend… und warschinnli ziehts in immer in die Spieliabteilig i meine das sich ja normal aber sicher wird sini Mama ihm nid jedesmal au sini wünsch erfülle dies oder jenes no chönne z ha… aber sie wird sicher wieterhin immer ire Wucheikauf mache… das Psorge was das Kind würkli brucht… z Tägliche ässe, hygieneartikel und ja zwüschedrei sicher au mal es spielzüg...
Du fragsch di wie Mensche chönd entvärnt vo Gott läbe gnau eso… und da spillts kei rolle ob öpper x Jahr, x Mönet, x Täg oder au nu en Moment wägg isch vo Gott… denn weni mine eigene wünsch hinenaseckle denn weni sälber wet entscheide was das guet isch für mie denn entfärni mi vo Gott wo dött isch wos würkli das gid woni bruche… gnau so wie de bueb immer weider momente wägg gsie isch vo sinere Mama wo am Läbesmittel ikaufe gsie isch für ihn… und sie heds so fest guet gmeint s isch nid schikane oder gemeinheit au nid freiheitsberaubig oder missgunst gsie sondern fürsorg und versorgig…
Wetsch du nach Gottes riech trachte denn gad das nur indämm du dis läbe vo ihm bestimme lahsch!
Deshalb sollt ihr euer altes Wesen und eure frühere Lebensweise ablegen, die durch und durch verdorben war und euch durch trügerische Leidenschaften zugrunde richtete. Lasst euch stattdessen einen neuen Geist und ein verändertes Denken geben. Als neue Menschen, geschaffen nach dem Ebenbild Gottes und zur Gerechtigkeit, Heiligkeit und Wahrheit berufen, sollt ihr auch ein neues Wesen annehmen.
Wenn Jesus seit mer söllend üs nid um d Sorge vo Morn kümmere denn heisst das nid dasmer söllend gleichgültig in Tag läbe, sondern denn isches en ufforderig zur Freiheit… Vertrau Gott das er dine guete versorger isch lahn di in die unbeschwertheit in die freiheit inefüere… vilicht seisch du jetz aber au ja denn gibi mini freiheit ja eigetli uf… weni nuno dämm folge was Gott seit wie chani denn da frei sie wens nuno die Option gid isch das ja voll iängend… aber das stimmt so nid ganz… lahn mi das mid me ganz eifache Bild erklähre… Wenn du hüt heifahrsch wirsch höchstwarschinnlich amene Kreisel verbiecho… wenn du dier jedi Option wetsch freihalte denn fahrsch 1x um de kreisverkehr 2x um de kreisel und well du dier alli optione wetsch freihalte fahrsch ume und ume und ume du hesch zwar d freiheit in jedi richtig z fahre aber wemer ehrlich sind bisch ganz abgseh devo dases nach de dritte rundi en buess cha geh und dasder nach de 10te rundi spätistens schlächt wird gfange i dem Kreisel… du kusch keis stuck wieter… di wahri freiheit fangt dött ah wo du di entscheidisch die Usfahrt z neh und demm wäg z folge und ufzmahl chunsch wieter… un djetz seisch ja aber denn wett wenigstens i entscheide weli usfahrt di richtigi isch für mie… und gnau so simmer doch au oft im läbe unterwägs i wet entscheide was für mie drah isch… z problem au da isch wieder i spile Gott und i gibe en unglaublich schlächte Gott ab… Wenn i härrsche i minem Läbe denn bestimmt min Verstand min Wille und mini Emotione wasi wet… Wen min wille entscheidet denn stahni vorem Regal ohni Kaufkraft und ände in frustration wili am schluss gliech nid kreig wasi wet oder weni das kreig woni wet bini schnäll unzfreide wili no anders will… was aber wen mini Emotione entscheidend? Mer bliebend im Lade… wär vo eu hed schomal öppis kauft woner gar nid brucht hätti… also mier isches letstens so gange… i han z Büro gmacht und woni so uf üsem Konto bin gsehni dasi vor letste Nacht en abzug han… s kunnt mer wieder in sinn… i bin ir Nacht vordemm dasi go schlafe bin no ufem WC gsie und han uf minm Telefon im netz gstöberet… da hani en Wärbig gseh vomene Merinowullemantel unglaublich fest reduziert im Preis! Dä hani eifach müesse kaufe… absolut unnnötig i han en Mantel und wieteri zwei Winterjagge wo meistens nur umehängend… aber me weis au us de Psychologie wenn d Reduktion ufme Produkt gnueg gross isch dases en rein emotionale entscheid wird weme kauft… i han mi wohl gfühlt bim ablick vom Mantel und s hed mer z gfühl gäh Gäld z spare… debie hani Gäld usgäh woni gar nid hät müesse wili öppis kauft han woni eigetli gar nid würkli bruche… z beste Biespil für das isch de Kaufwahn am Black Freiday woni sit de Predigt vom Thomas letsch wuche weis wohär das de name kunnt… lüt verhalten sich absolut irrational well si schnäppli hinedreiseklend wo hüfig gar keini sind… oder wie gads der wend dur d Ikea laufsch… s isch so günstig i tuen mier öppis guets… und das sind jetz no die sehr harmlose sache womer vo üsne gfühl gleitet wärdend… i nime ah du kensch das gfühl zu schnäll uf en verlezig reagiert z ha… öppis wo min Mitmensch gmacht hed hed mi kränkt dämm zahlis hei… i ha ds gfühl ungrächt behandlet z wärde… wart du nu ab dier zeigis… i han z gfühl nüt wärt z sie mann bin ih wärtlos… und du machsch sache wo du bereusch und fangsch a sache glaube wo hine und vorne nid stimmend… aber denn isch da no de Verstand und mid dämm chani ja rationelli entscheidige Träffe und guet entscheide was würkli guet isch für mie und was nid… i weis das ja… und ja dine verstand isch unglaublich alles wo du erläbsch wird drinn abgspeicheret… okey nid alle isch gliech abrüefbahr aber alles isch no igedwo… glaubsch nied… wie machsches wend di an öppis wetsch erinnere… ah das eine Lied wie hed jetz das gheisse… i weis s isch gester im Radio gloffe woni mim Auto unterwägs uf Worb gsie bin… ah i weis no dött hed mi dä blöd Opel gschnitte und i hät fasch e umfall baut… ähm aber zrugg zum lied… s gad igedwie um Gott und drumm dasi mal söll drüber nadenke das Gott regiert… ah s fangt ruhig ah und Melodie gad igedwie so… und späte am Abig unter de Duschi chunnts ufzmahl ah God is on the Thron heissts lied… Din Verstand isch en absoluti maschine viles devo passiert aber im Unterbewusstsie… Wenn du es Resti betrittsch was passiert dis hirni isch blitzschnell i bin scho in 346 Restis gsei 107 devo händ vom Ambiente öppe gliech usgseh bi 46 devo hend en ähnlichi spiesekarte kah und bi 12 devo hani mine Mantel am igang chönne abgeh oh wart jetz hani gad unnötig gäld für en Mantel usgeh i muen denn bir uswahl vom ässe Spare… das passiert alles unterbewusst und blizschnell und ufzmahl fühli mi nümm gliechwohl… oder d Silvana chunnt uf mi zue und seit wie findsch de Name Josua für üses Kind und i säge ui nai lieber nid… warumm will mis hirni macht i kenne 35 Josuas 18 devo nächer und vo 5ne devo keni au de Vater und de eini Vater vo dem Josua dä isch gar nid so gsie wieni mier vorstelle als Vater z sie… drumm Josua nai lieber nid… und das sind no di harmlose Sache… aber wie schnell schiebemer Mensche in en schublade wo ine gar nid grächt wird oder fällemer entscheidige uf re ahnahm dases guet und richtig wäri… ir gsellschaft nimi wahr du bisch nur öpper wend vill gäld hesch und ds neuste Auto… i bruche umbedingt das neue Handy und und und
Deshalb orientiert euch nicht am Verhalten und an den Gewohnheiten dieser Welt, sondern lasst euch von Gott durch Veränderung eurer Denkweise in neue Menschen verwandeln. Dann werdet ihr wissen, was Gott von euch will: Es ist das, was gut ist und ihn freut und seinem Willen vollkommen entspricht.
Für Gottes riech z gah heisst ihm d Herrschaft über jede Bereich i minem Läbe gäh ihm mit Vertraue mini Sorge entgägezbringe und sie bi Ihm loszlah… für Gottes Riech z gah heisst di eigene Masstäb und vorallem d Beurteilig vo dämm was guet isch und was nied loszlah und das Sach vo Gott sie z lah… Sich für Gottes Riech izsetze heisst täglich mis Krüz uf mi z näh i Sinn vo dasi eigeni vorstellige Stärbe lahn und Jesus nahfolge… Das stärbe lah isch aber nüt schlächts ganz im Gägeteil well Gott weis was du bruchsch no bevor dus ihm seisch und will er sich um das kümmeret wo du würkli bruchsch wirsch du am schluss nie z kurz cho! Ganz im Gägeteil du wirsch wahri Freiheit erläbe däffe!
Lueg i ha hüt nu a de oberflächi krazet wenns ums Rich Gottes gad aber i hoffe i han di chöne ermuetige en negste schritt z gah… Sig das en einzelne Bereich i dinem Läbe Gott neu azvertraue… seg das de vertrauensschritt z mache und dini Sorge mal los z lah… oder sigs au dine Usflug ind Spielzügabteilig z unterlah und lieber bim Vater z bliebe wo sich gad würkli um dini bedürfnis kümmeret…