2 Tim 4_1-5 sermon 中文 March 5 2005
Purpose of the sermon and Purpose statement:
讓弟兄姊妹重新思想 “傳道”的迫切,並且願意以積極、正面的行動回應，將生命完全奉獻在這(傳道)事工上 – 成為專心的傳道者。
HBI: 以百般忍耐、專心作傳道功夫
Introduction:
At the time of William Carey in the 18th century, many Baptist in England believed that if God want to convert anyone, He won’t need you aid or you at all. Thus, under this theology, they were not eager with evangelism nor mission at all. Carey had a different view and had great vision of sharing the gospel with un-reached peoples in far distant. So how do we see the responsibility for us today – future servants of God??[1]
當我地讀提摩太後書嘅時候，好多時我地都認為呢一封喺寫比私人嘅信，因為喺第一章嘅一、二節果度甘話: 『奉神旨意，照著在基督耶穌裡生命的應許，作基督耶穌使徒的保羅, 寫信給我親愛的兒子提摩太。』好清楚講到呢封信嘅受信人喺提摩太- 使徒保羅佢屬靈上嘅 (《因信主作我真兒子的提摩太》– 1 tim 1:2) [2]，再加上教會傳統將提前、後及提多書統稱為教牧書信，以至我地就有一個印像，認為信裏面嘅教導只係對提摩太講，或者係對今日嘅傳道人、牧師講。
但喺如果我地了解早期教會書信嘅作用，明白到書信往住用嚟代替寫信人親身到訪果個教會；利用書信按住當時果個教會嘅需要，所面對嘅問題，而對教會作出教導呢一個作用嘅話，我地就可以理解到呢封信其實亦都喺一封寫比教會弟兄姊妹嘅信。
信最後一節(2 tim 4:22) 保羅的祝福 中, 就係 『願主與你的靈同在。願恩惠常與你們同在』喺呢句中亦可以看出，呢封實在亦都係一封寫比教會嘅信。因此，信裏面嘅種種勸勉、教導，其实也是對教會而講，亦即是對今天的你和我講。
HBI: 以百般忍耐、專心作傳道功夫
MP1:
1. 保羅的遺言: 務要傳道
絕大多數嘅學者都同意提摩太後書喺保羅最後嘅一封信。當期時大概主後65年，保羅再一次係宣教嘅旅途當中被羅馬政府捉咗，而且再次彼困喺羅馬監獄裏面。喺提摩太後書概四章六節，我地可以知道大概保羅知道今次佢唔會再有機會被放番，所以當信寫到嚟尾嘅時候，保羅就以一種極嚴肅、極懇切的語調嚟交托佢最後嘅吩咐比過提摩太。
保羅喺四章一節果度咁話: 『我在神面前，並在將來審判活人死人的基督耶穌面前，憑著他的顯現和他的國度囑咐你』- 就係話『務要傳道』
其實保羅 之前己有二次相類似嘅吩咐: 第一次係提前 4:13果度，保羅提醒佢《要以宣讀、勸勉、教導為念，直等到我來》, 而第二次就係提後嘅1:8節果度，保羅又一次鼓勵提摩太要為主作見證、甚至為福音而受苦的: 《你不要以給我們的主作見證為恥，也不要以我這為主被囚的為恥；總要按神的能力，與我為福音同受苦難》, 而喺四章一節呢次係最為嚴肅(solemn)嘅一次，亦喺最後一次嘅囑咐。
Διαμαρτύρομαι (solemnly urge) 呢種嘅囑咐, 唔係一種普通、隨意的勸勉。是一種極嚴肅和認真的宣告，原文是 “透過宣誓作見證”嘅意思，就好似喺法庭裏面做見証一樣。這次的宣告、吩咐，是喺神面前而發出的，是有耶穌基督作為見証人的。
Illustration: 釋經家Thomas Oden 稱呢個囑咐為 “死囚室的囑咐”
由於保羅意識到佢人生嘅旅程非常可能已到咗盡頭，佢剩低嘅時間已經非常有限，因此保羅以極之直接、極之清楚、亦極之認真同埋嚴肅嘅態度嚟吩咐提摩太佢 -『務要傳道』。
有學者分析出提摩太可能是一個 比較細膽的人 (2 tim 1:6-7), 此較容易因為遇到困難而感到沮喪、灰心(1 cor 16:10-11, 2 tim 1:8)同埋 亦較為容易病 (1 tim 5:23) 的年輕人。一般相信提摩太當時已經三十多歲，但在猶太人嘅文化觀念中，四十以下的都被看為年輕，當中亦隱含有未夠處事經驗與能力的意思。可能因為呢D內在同外在因素，以至保羅要多次勸勉、幾次的囑咐,多次希望佢能夠決心承接保羅嘅事工，以傳講神的話為他首要的事, 提醒他『務要傳道』
Transition: 一個好簡單嘅吩咐，但却係一項絕對唔容易實行嘅任務。保羅跟住話喺第二節講: 『無論得時與不得時，總要專心』
a. 呢度所講到嘅“專心” – 唔單只係要專注，並且是要隨時預備好行動，隨時喺作戰狀態中的意思。就好似 急症室on-call(即傳即到)嘅醫生一樣，call(傳呼)一到，就要立即行動，斷唔能夠同個斷緊氣、或者就要生BB嘅病人講: 等陣先，等我食埋餐飯先D咁嘅嘢。英文嘅NIV譯本就將呢個字譯做: be prepared- 準備好。當我吔隨時預備好行動嘅時候，就可以不論 “得時與不得時”,即喺話唔論任何環境之下，都能夠傳講 神嘅話語。
另一方面，呢種『專心』喺持久的 ，唔喺只喺得三分鍾熱度個種。英文嘅NRSV譯本就選擇將『專心』呢個字釋做: persistent – 就喺持久嘅意思。
2 Tim 2:4『凡在軍中當兵的，不將世務纏身，好叫那招他當兵的人喜悅』
Ill. (1)大概四年前我參加咗神召總會嘅年會，當時嘅講員指出，喺美國，每年有一千三百個傳道人離開全職事奉嘅崗位，而每年由神學院畢業的神學生裏面，當中只有大概10% 嘅人能夠堅持留喺全職事奉嘅崗位上直到佢地六十五歲退休。當中當然有好多唔同嘅因素做成咁嘅現像。但喺確實喺一個令人沮喪嘅現像。
(II) 而我自已喺2004年年初嘅時候,由於功課、工作同埋其他種種壓力之下，曾經經歴咗差不多半年的低潮和爭扎，當時想過放棄、想放棄係神學院的學習，想收番昔日對神的回應，亦懷疑，亦多次問自己究境喺咪誤解咗、聽錯咗神的呼召? 喺咪只喺我自已一時血氣的決定而走上呢條事奉嘅路? 喺個段日子嘅初期，我感到神好似離我好遠好遠，同神嘅關係冇因為喺神學院嘅學習而加深，相反嘅卻喺感到一日比一日疏離。心靈裏面感到從未試過嘅軟弱。我多次嘅向神祈禱，求神佢比我明確嘅指引。感謝神，雖然神佢冇大聲清楚咁同我講，但卻藉住一個同學嘅鼓勵、藉住後離既一Ｄ學習、同埋教會裏面弟兄姊妹關心同埋代禱，叫到我喺低谷裏面，漸漸嘅重新向上。呢一段嘅經歴，叫我更深體會到在事奉路上嘅專心同堅持，實在係唔容易嘅事。確實喺需要神嘅長久嘅憐憫同埋恩典、同弟兄姊妹間嘅支持。
b. 除咗『專心』之外，保羅喺第二節度繼續吩咐話: 要『並用百般的忍耐，各樣的教訓，責備人，警戒人，勸勉人。』
百般忍耐μακροθυμίᾳ – 保羅所提出嘅呢種忍耐不單只是一般所指的耐性,亦不是我們所講的 “死忍”; “渣頸就命”，而是在面對挑剔、面對困難嘅時候仍然能夠以堅忍嘅心嚟面對，仍然能保持自制，是一種能夠面對長久苦難的能力, 而這能力卻不是單靠我地自己嘅努力而可以得到嘅，乃是一種從神而來的恩賜(gift)。
Gal 5:22-23 『聖靈所結的果子，就是仁愛、喜樂、和平、忍耐、恩慈、良善、信實、 溫柔、節制』。當中的忍耐 就係呢度所講嘅百般忍耐。
這種恩賜唔單只喺從神而嚟嘅，唔單只係聖靈嘅果子，而且是建基於愛 – 哥林前書13:4 『愛是恆久忍耐』愛裏面所包含嘅嗰種恆久忍耐就是保羅所强調嘅『百般忍耐』，亦就是愛。
呢種恩賜、呢種愛, 保羅話是作為傳道者、作為佢接班人嘅提摩太必須學習、必須有的能力。
2 Tim 3:10 “但你已經服從了我的教訓、品行、志向、信心、寬容、愛心、忍耐”.是作為傳道者必須學習、必須有的能力。
2 Cor. 6:3-6 『我們凡事都不叫人有妨礙，免得這職分被人毀謗；反倒在各樣的事上表明自己是神的用人，就如在許多的忍耐、患難、窮乏、困苦、鞭打、監禁、擾亂、勤勞、警醒、不食、廉潔、知識、恆忍、恩慈、聖靈的感化、無偽的愛心、…』
但為甚麼做傳道者要有百般的忍耐，為甚麽要有能面對長久苦難的能力?
主耶穌說: 『不背着他的十字架跟從我的,也不配作我的門徙。』(Mat. 10:38); 『耶穌對門徒說：「若有人要跟從我，就當捨己，背起他的十字架來跟從我』(Mat 16:24) 呢個十字架就喺基督徒因着跟隨耶穌而要面對嘅困難、甚至喺苦難。
耶穌的傳道事工就是一個面對困難、挑戰、誹謗的事工。正如耶穌對門徒講:『學生不能高過先生；僕人不能高過主人』(Mat. 10:24) 咁嘅然我地喺佢㗎僕人、佢的跟從者嘅時候，我地又怎會唔需要面對困難、挑戰呢？
致於保羅，佢一生三十多年的傳道同工作都充滿了迫害、甚至受鞭打,坐監，追殺，最後更為主殉道。
2Co 1:8 弟兄們，我們不要你們不曉得，我們從前在亞西亞遭遇苦難，被壓太重，力不能勝，甚至連活命的指望都絕了；
2Co 11:23 他們是基督的僕人嗎？（我說句狂話，）我更是。我比他們多受勞苦，多下監牢，受鞭打是過重的，冒死是屢次有的。
哥林多後書 11:24 被猶太人鞭打五次，每次四十減去一下；
2Co 11:25 被棍打了三次；被石頭打了一次，遇著船壞三次，一晝一夜在深海裡。
2Co 11:26 又屢次行遠路，遭江河的危險、盜賊的危險，同族的危險、外邦人的危險、城裡的危險、曠野的危險、海中的危險、假弟兄的危險。
2Co 11:27 受勞碌、受困苦，多次不得睡，又飢又渴，多次不得食，受寒冷，赤身露體。
2Co 11:28 除了這外面的事，還有為眾教會掛心的事，天天壓在我身上
我們今日做基督徒嘅，尤其是在北美的、甚至在香港、台灣的都是多麼蒙恩，仍可以喺比較自由同埋安舒嘅環境中敬拜神，事奉/服待神。以至好容易就在不自知嘅情況下忘記咗跟隨耶穌、忘記咗作傳道者而要附出的代價。而當要面對或者要忍受苦難嘅時候，或者要為福音而付代價嘅時候，就好容易失去信心，以至放棄。
卻忘記了今天在好多地方的弟兄姊妹，仍然為着福音而要面對好多嘅逼害，甚至付出生命。
Illustration: 在西非洲回教國家嘅宣教士在建立聚會点同時，往往都亦要建立收容所、和職業培訓中心，不是作為吸引人的賣点、不是作為傳福音的媒介、工具，而是要為那些從回教改信基督的弟兄姊妹而設的避難收容所。喺個Ｄ地方，如果你從回教改信基督教嘅話，你嘅父母家人會同你斷絕關係，你會彼趕離原有嘅社區，會冇咗份工、會失去你住嘅地方，甚至可能連你條命都冇埋。有一個宣教士親口見証…跟隨耶穌，是要背起我地嘅十字架的。
大家如果有機會，可以睇吓『十字架』呢隻光碟，裏面記錄咗好多中國大陸傳道者，同埋信徒所面對的種種苦難。
因此若果我們真的願意立志『以百般忍耐、專心作傳道功夫』,我們就必需依靠聖靈。好能結出聖靈的果子，以至我地可以有忍耐及專一嘅心。
2Tim2:3 『你要和我同受苦難，好像基督耶穌的精兵』
c. 除咗忍耐同專一嘅心之外, 保羅亦都同時提出，我地用神嘅話語嚟教訓人嘅時候，必需依靠聖靈、按住神嘅話語:
i. 喺三章十六，十七節個度，保羅指出:『聖經都是神所默示的（或作：凡神所默示的聖經），於教訓、督責、使人歸正、教導人學義都是有益的，叫屬神的人得以完全，預備行各樣的善事』
ii. 當責備或者警戒或者勸勉嘅時候，我地都必需以幫助對方改過，幫助對方到神嘅面前悔改歸正為目。因為呢個就係神自己嘅心意。同時我哋亦要依靠聖靈，因為只有聖靈的工作，先至可以叫人悔改。就正如約翰喺約翰福音十六章八節記載耶穌講過: 聖靈來了之後『就要叫世人為罪、為義、為審判，自己責備自己』 。因此，保羅所講嘅唔係只喺一味嘅責怪，而唔喺為咗要揭人嘅瘡疤的行為，唔喺只會指出錯處而唔能夠幫助別人改過既行為。卻係依靠聖靈嘅工作。卻喺從愛心而來的責備或者警戒或者勸勉。
Transition: 為甚麼保羅咁迫切嘅要嚟交帶傳道的功夫呢?
2. 因為時侯要到 – 究竟所講嘅喺吔嘢時候呢? 所指就係三章一節嘅『未世』，就係接近主耶穌再次降臨之前的個段日子。 怎知道呢?
a. 個個時候: v.3:『人必厭煩純正的道理, 耳朶發癢，就隨從自己的情慾，增添好些師傅』,人唔會再有興趣聽純正嘅道理架la.會隨住自己嘅喜好、心意，做自己歡喜嘅事啦。
上二個星期，我有機會去參觀一間殯儀館，嗰度嘅負責人話，據统計，而家喺Calgary, 只有唔超過15%嘅人會去教會(主流社會)，但喺當呢D絕大多數唔信主嘅人離世嘅時候，在生嘅人喺心靈上難免要尋求一D慰藉，於是，近年出現了好多佢以前都末遇見過嘅儀式。
我地亦可以環顧一吓出現喺我地週圍嘅種種異端邪說：新紀元運動、以靜坐冥想來提升個人能力嘅思想，依靠水晶來增加個人能量的風氣，重有一向嘅星座，占卜呀呢D數唔盡嘅『荒渺的言語』。
早兩日讀到一篇由Eugene Peterson (英文Message聖經譯本的學者)所寫嘅文章，裏面講到原來喺英國已古戴安娜王飛死咗之後，英國有人開始咗一個叫做 “Diana Religion” 戴安娜宗教嘅課程。英國人將戴安娜奉為女神一樣來敬拜。因為戴安娜正好乎合咗佢地心目中『神』嘅形象。於是乎
就隨自己的情慾，使一個人十時間成為『神』。
呢Ｄ豈唔喺『時侯要到』嘅現象嗎?
Conclusion & Challenge:
保羅在第五節重申，在我們面對未世的種種荒渺的言語時，『要凡事謹慎，忍受苦難，作傳道的工夫，盡你的職分』
傳道的工夫確實唔喺一樣容易嘅職分，要有專心、要隨時預備、要能夠長久堅持、要有百般忍耐、要能夠按住聖經嘅教訓、藉着聖靈嘅幫助、以愛 - 透過責備、警戒同勤勉來幫助人從異端邪說、從荒渺的言語中歸回神。
弟兄姊妹呀，正如保羅講『時候要到』，主耶穌基督要榮耀再臨的日子近啦，雖然我唔知會係邊一日，邊一個時候，但係我卻喺知道我地可以浪費嘅時間已經唔多la。
耶穌對門徒說: Mat 9:37 於是對門徒說：「要收的莊稼多，做工的人少。
Mat 9:38 所以，你們當求莊稼的主打發工人出去收他的莊稼。」
弟兄姊妹呀，讓我們以信心來依靠神，現在就承擔起做個專心的傳道者：
a. 將作傳道的工夫，作為今後人生的首要目標。
b. 學習全然依靠聖靈，以百般忍耐，在神為我們預備的工塲上，盡我們的職分。
啊門。
Illustration:
當被要求向別人傳揚基督時，有些基督徒不能這樣做，就為自己辯解說：「嗯，我又不是牧師。」但我們應該明白，每一位耶穌的信徒從某種程度上都應當是牧師。傳道並不需要講壇。可以在親切的交談中進行，講一段聖經，寫一封信或唱一首歌。
我收到了這樣一封信：「幾個月前，我在底特律的公共汽車上撿到別人留在座位上的一本「靈命日糧」。我一讀之下非常喜歡，所以我寫信給你，請你寄一本當期的來。自從讀了那本撿到的「靈命日糧」後，我就開始聽你的廣播節目，已經得救了，這真正奇妙。我盼望上天堂，去查清到底是誰把那本「靈命日糧」留在公共汽車的座位上的！」
一位臨終的婦人作見證說，她是讀了從澳洲寄來的一個包裹的包裝紙上的一段話而得救的。那是英國牧師查爾斯．史柏堅（Charles Spurgeon）所講的道。他在英國講道，後在美國出版，運到了澳洲，最後成了包裝紙送回英國，在倫敦這個首先宣講的地方，這段佈道詞轉變了一顆珍貴的心！這就是聖經的力量。MRD
傳揚上帝的話語，
我們不需要講壇；
只需要通過願望，
就能夠與人分享。Sper
----
[1] Live and Mission of William Carey by Timothy George.
[2] (my son who I love – 1 cor 4:17;, my dear son 2tim 1:2) 其實提摩太唔單只喺保羅屬靈上嘅兒子，亦更加係佢事工和使徒權柄的接班人。